Jetekshi respýblıkalyq arnalar QR Konstıtýtsııasy kúnine arnalǵan áskerı paradty tikeleı efırde kórsetedi
dep habarlady «Habar» agenttiginiń resmı saıty.
Áskerlerdiń jáne eń tańdaýly áskerı jáne avıatsııa tehnıkalarynyń saltanatty sap túzeýin 30 tamyzda saǵat 11,00-de eldiń respýblıkalyq arnasynan kóresizder.
Budan buryn habarlanǵandaı, búgin, 30 tamyzda elordadaǵy «Qazaq eli» monýmenti janyndaǵy alańda Elbasy Nursultan Nazarbaev Konstıtýtsııa kúnine, sondaı-aq respýblıka Táýelsizdiginiń 20 jyldyǵyna arnalǵan áskerı sherýdi qabyldaıdy.
QR Táýelsizdiginiń 20 jyldyǵyna arnalǵan áskerı sherýge 2,5 myń áskerı qyzmetshiler, 200 birlik qurǵaqtaǵy tehnıka, 60-tan astam avıatehnıka - dybystan ushqyr ıstrebıtelder, áskerı tikushaqtar jáne basqa da áýe qorǵanysy tehnıkalary qatysady. Áskerı ushqyshtar áýede sap túzep, joǵary sheberlikterin kórsetedi.
Qurlyq áskerleri, áýe qorǵanysy, áskerı-teńiz kúshteri, sondaı-aq ІІM, UQK jáne TJM quramalary saltanatty sappen ótedi.
Merekelik saltanat 22.00-de otshashýmen aıaqtalady.
Búgin el aımaqtarynda eńbek ujymdarynyń, stýdentterdiń, mektep oqýshylarynyń sherýi, kontsertter men sporttyq sharalar ótedi. Osy kúnge oraılastyrylyp birqatar jańa nysandar ashylmaq.