Jetekshi kompanııalardyń korporatıv hatshylary tájirıbe almasty
Eldegi korporatıvtik qurylymdardyń ornyqty damýyn qamtamasyz etýge qajetti tıimdi sheshimderdi talqylaýǵa baǵyttalǵan forýmǵa 120-dan astam maman qatysyp, tájirıbe bólisti.
«Báıterek» ulttyq basqarý holdınginiń korporatıv hatshysynyń orynbasary Ardaq Jumaǵalıev bıylǵy forýmnyń taqyryby nege táýekelderge arnalǵanyn túsindirdi.
«Qazirgi belgisizdik kezeńinde kıberqaýipsizdik, aqparattyq tehnologııalar men táýekelderdi basqarý máselelesi kompanııalarǵa aıtarlyqtaı qarjylyq shyǵyn ákelip, aktsııa qunyna áser etýi múmkin. Bıyl forýmǵa «Destrýktıvti táýekelder men ornyqtylyq» degen taqyryp tańdap alyndy. Sebebi qazir kompanııalarǵa táýekelderdi basqarýdyń kóregen tásilderi buryn-sońdy bolmaǵan deńgeıde qajet», - deıdi kompanııanyń korporatıvtik hatshylyq qyzmetiniń basshysy.
Onyń sózine qaraǵanda, «Báıterek» holdıngi jobalyq portfeldi qalyptastyrý kezinde Birikken Ulttar Uıymynyń turaqty damý maqsattaryna sáıkes keletin jáne elimizdiń turaqty áleýmettik-ekonomıkalyq damýyna aıtarlyqtaı áser etetin jobalarǵa basymdyq berip otyr.
Holdıng pen onyń enshiles uıymdaryna arnap ınvestıtsııalyq qyzmettegi ESG qaǵıdattary boıynsha ekologııalyq jáne áleýmettik saıasat ázirlengen.
Bul qujat holdıngtiń enshiles uıymdary qarjylandyratyn jobalardyń oń ekologııalyq jáne áleýmettik áserin arttyrýǵa baǵyttalǵan.
Sondaı-aq, holdıngte HR, qujat aınalymy, qarjy blogy protsesteri, ákimshilik-sharýashylyq qyzmet protsesteri tsıfrlandyrylǵan. Al «Otbasy Bank» jeke tulǵalarǵa tolyqqandy tsıfrlyq bank qyzmetin usynyp otyr.
Holdıngke qarasty Qazaqstan turǵyn úı kompanııasy «Turǵyn úı portalyn» iske qosqany belgili.
Atalmysh portal arqyly qazaqstandyqtar tıisti ruqsaty nemese kepildigi bar úleskerlik qurylystyń barlyq nysandary týraly aqparatty kóre alady.
Úleskerdiń qarajatyn tıisti ruqsatsyz tartatyn josyqsyz merdigerler týraly málimetti de osy portaldan tabýǵa bolady.
«Al Qazaqstan Damý Banki iri bıznesti kredıtteýge ótinim berý, steıkholderlermen ózara is-qımyl, kepildik berý protsesterin tolyǵymen avtomattandyrdy. Agrarlyq nesıe korporatsııasy onlaın mıkrokredıtke berilgen ótinimderdi qaraý júıesin avtomattandyryp jatyr. Bul tásil ótinimderdi qaraý protsesiniń sapasy men ashyqtyǵyn arttyrýǵa kómektesedi», - dedi Ardaq Jumaǵalıev.
