Jetekshi elderdiń tájirıbesi boıynsha Ulttyq biliktilik júıesi qurylýda
ASTANA. 24 tamyz. QazAqparat - Jetekshi elderdiń tájirıbesi boıynsha Ulttyq biliktilik júıesi qurylýda. Bul týraly búgin Astanadaǵy «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynda Bilim jáne ǵylym mınıstri Baqytjan Jumaǵulov aıtty.
«Osyǵan baılanysty bizdiń mınıstrlik Eńbek kodeksine jumys berýshilerdiń kásiptik standarttar ázirleýi boıynsha jańa taraý engizýge bastama jasady. Dúnıejúzilik bank qaryzy esebinen Indýstrııalandyrýdyń 147 basym mamandyǵy boıynsha alǵashqy kásiptik standarttardy ázirleýdi qoldaımyz. Jumys berýshiler men jergilikti atqarýshy organdardyń mentalıtetin ózgerttik. Olar sapaly kadrlar daıarlaý ortaq mindet ekenin túsindi.
Qazirgi ýaqytta 118 biliktilik boıynsha munaı-gaz, týrızm, aýylsharýashylyq, mashına jasaý salalarynyń kásiptik standarttary ázirlendi»,-dedi mınıstr.
Vedomstvo basshysynyń aıtýynsha, TjKB-nyń taǵy bir mindeti - sapany baǵalaý men baqylaýdyń jańa júıesin ázirleý jáne engizý.
Bul jańalyqtardyń barlyǵy kásiptik-tehnıkalyq bilimniń sapasyn barynsha joǵary deńgeıge jetkizýi tıis.
«Tehnıkalyq jáne kásiptik bilim departamentine dýaldi júıe arqyly TjKB-ny jańǵyrtýdyń normatıvtik-quqyqtyq, mazmundyq-ádistemelik negizin ázirlep, tájirıbege engizýdi tapsyramyn»,-dedi B. Jumaǵulov.
