Jetekshi álemdik bırjalarda munaı baǵasy kúrt quldyrady
ASTANA.QazAqparat - Jetekshi álemdik bırjalarda munaı baǵasy birden birneshe dollarǵa tómendedi. Sonymen, 2014 jylǵy 14 qazandaǵy saýda-sattyq nátıjesi boıynsha Nıý-Iorktegi New York Mercantile Exchange (NYMEX) merzimdi taýar bırjasyna WTI (Light Sweet) munaıynyń resmı baǵasy $3,90-ǵa túsip, barreline $81,84 qurady, dep habarlady Ýtro.rý.
Sonymen qatar 14 qazandaǵy saýda-sattyq nátıjesi boıynsha InterContinental Exchange Futures Europe (ISE Futures Europe) elektrondyq taýar bırjasynda Brent munaıynyń resmı baǵasy $3,85-ǵa tómendep, barreline $85,04 qurady.
Munaıǵa baǵanyń quldyraýy oryn alyp otyrǵan jaǵdaıda álemdik usynystyń ósip, suranystyń tómendeýi baıqalady. Halyqaralyq energetıkalyq agenttik (IEA) 14 qazanda munaıǵa álemdik ortasha táýliktik suranystyń ósim boljamyn 1,3 mln barrelden 700 myńǵa deıin tómendetti. IEA 2014 jyldyń ishinde álemde munaıdy ortasha táýliktik tutyný kólemi 92,4 mln barreldi quraıdy degen boljam jasap otyr.
Sonymen qatar, aǵymdaǵy jylǵy qyrkúıekte álemdik naryqqa munaı jetkizý kúnine 93,8 mln. barellge deıin (ótken kórsetkishke qaraǵanda kúnine 910 myń barrelge artyp otyr) ulǵaıdy. Óz kezeginde bir jyl burynǵy kórsetkishpen salystyrǵanda 2,8 mln. barrelge artyq.
