Jeti jylda datchıkter 219 adamnyń ómirin qutqaryp qaldy
2016 jyldan beri gaz kontsentratsııasyn anyqtaıtyn 193 myń datchık ornatyldy. Nátıjesinde olar 219 adamnyń qaza bolýyna jol bermedi. Úkimet otyrysynda Tótenshe jaǵdaılar mınıstri Syrym Sháriphanov osylaı málim etti, dep habarlaıdy Kazinform agenttigi.
«Gaz ben janǵysh zattardyń qaýipti kontsentratsııasyn anyqtaıtyn datchık ornatý tıimdi tájirıbege aınaldy. 2016 jyldan beri shamamen 193 myń datchık ornatyldy. Osy tájirıbeni engizgennen bastap olar 49 qaýipti jaǵdaıdy anyqtady. Nátıjesinde 219 adam aman qaldy. Bul rette halyqtyń óz qaýipsizdigine nemquraıly qaraıtynyn atap ótý qajet. Mysaly, bıyl 10 myńnan astam úıdiń turǵyndary profılaktıkalyq konsýltatsııadan bas tartty. Osyǵan baılanysty biz áleýmettik jeliler, úı chattary men bilim berý uıymdary arqyly «Mektep-bala-ata-ana» naýqanyn júrgizip, otbasylarǵa órt qaýipsizdiginiń qarapaıym talaptaryn kedergisiz engizip jatyrmyz», - dep toqtaldy Syrym Sháriphanov.
Sonymen birge ol jyl basynan beri turǵyn úı sektorynda bolǵan órtten 203 adam qaza tapqanyn aıtty.
Buǵan qosa bıyl jataqhanadan shyǵatyn órtter azaıǵan.
