Jeti jyl boıy Latvııada qashyp júrgen alaıaq ustalyp, elge ekstradıtsııalandy

Búgin Syrtqy ister mınıstrliginiń qoldaýymen Bas prokýratýra jáne ІІM Interpol qyzmetkerleri qylmystyq jaýapkershilikke tartý úshin alaıaqtyq jasaǵan Qazaqstan azamatyn Latvııa Respýblıkasynan ekstradıtsııalady, dep habarlaıdy Kazinform.

2016 jyly kúdikti bir top adammen birlesip jábirlenýshige ózderine tıesili emes páterdi satqan.

Sóıtip satyp alýshyǵa 12 mln teńge kóleminde zalal keltirgen.

Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan. Keıinnen ol Latvııa aýmaǵynan ustaldy.

Qazir ol Astananyń tergeý ızolıatorynda qamaýda otyr. 

Atalǵan qylmysty jasaǵany úshin múlkin tárkilep, 5 jyldan 10 jylǵa deıingi merzimge bas bostandyǵynan aıyrý jazasy qarastyrylǵan.