Jeti jasar qyzdy izdeýge 320 adam, 72 tehnıka jumyldyryldy

Pavlodar oblysynda 7 jasar qyzdy izdeý jumystary jalǵasyp jatyr, dep habarlaıdy Kazinform. 

Balany izdeýge qutqarýshylar, kınologtar, polıtsııa, jergilikti atqarýshy organdar men eriktiler jumyldyryldy. Jedel shtabtyń jumysy uıymdastyryldy. 

Smartnews.kz telegram arnasy izdestirý sharasyna barlyǵy 320 adam, 72 tehnıka tartylǵanyn jazdy.  

Aıta keteıik, 17 qarasha kúni keshki saǵat 21:48-de Pavlodar oblysy TJD Ekibastuz qalasy, Besqaýǵa aýylynda 2015 jyly týǵan bala joǵalyp ketkeni týraly habar kelip tústi. Buǵan deıin Pavlodar oblysynda 7 jasar qyzdy izdeýge tikushaq jumyldyrylǵanyn jazǵan bolatynbyz.