Jeti oblystyń júrgizýshilerine aýa raıynyń nasharlaýyna baılanysty eskertý jasaldy

ASTANA. KAZINFORM —   Qazaqstannyń jeti óńirinde aýa raıy kúrt nasharlaıdy.

«QazAvtoJoldyń» derekterine sáıkes, 1 qazanda Aqmola, Almaty, Shyǵys Qazaqstan, Jambyl jáne Soltústik Qazaqstan oblystarynyń, sondaı-aq Abaı men Jetisý oblystarynyń keı jerlerinde jańbyr aralas qar jáne qar jaýady dep boljanýda.

— Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz. 1403 baılanys ortalyǵyna habarlasyp, táýlik boıy qosymsha aqparat alýǵa bolady, — delingen habarlamada.

Aıta ketelik Qostanaıda qar jaýýyna baılanysty polıtsııa qyzmeti kúsheıtilgen edi.