7 mınýttyq rolıkke - 100 mln teńge: Túrkistan oblysy ákimdigi resmı jaýap berdi

TÚRKІSTAN. KAZINFORM — Keshe Túrkistan oblysy mádenıet basqarmasyna qarasty «Uly Dala Eli» ortalyǵy 100 mln teńgege tikeleı shart jasasý arqyly «G7 Exlusive» JShS-ne 3-7 mınýttyq tarıhı beınerolıkke tapsyrys bergeni týraly aqparat tarady. 

Onda Túrkistan oblystyq memlekettik satyp alý basqarmasy atalǵan jobany satyp alýdy ashyq konkýrs tásilimen úsh márte uıymdastyryp, áleýetti oryndaýshy tabylmaǵanyn alǵa tartqan.

- Bólingen qarjyny tıimdi ári ýaqytyly ıgerý maqsatynda atalǵan jobany «Memlekettik satyp alý týraly» Zańynyń 16-baby 3-tarmaǵyna sáıkes bir kózden alý tásilimen 2025 jylǵy 28 qarashada qosymsha qun salyǵyn qosa alǵanda 100 800 000 teńgege kelisimshart jasalyndy. Tapsyrys berýshi — Túrkistan oblysy mádenıet basqarmasyna qarasty «Uly Dala Eli ortalyǵy». Oryndalý merzimi 2025 jyldyń 31 jeltoqsanyna deıin, - delingen vedomstvo usynǵan derekte.

Al búgin Túrkistan oblysynyń ákimi Nuralhan Qósherov atalǵan kelisimsharttyń jasalý jaǵdaılaryn jan-jaqty tekserý, onyń ishinde qajetti rásimderdiń saqtalýyn qamtamasyz etý boıynsha naqty tapsyrma bergeni belgili boldy.

- Tekserý nátıjeleri men aldaǵy qadamdar týraly qosymsha habarlanady, - dep málimdedi ákimdiktiń baspasóz qyzmetinen.