Jeti medal jáne rekord: Qazaqstan quramasy jeńil atletıkadan Azııa chempıonatynda synǵa tústi
ASTANA. KAZINFORM – Qazaqstan jasóspirimder quramasy jeńil atletıkadan Gonkongta ótken Azııa chempıonatynda óner kórsetýin aıaqtady.
Ulttyq qurama sary qurlyq básekesinde 1 altyn, 2 kúmis jáne 4 qola medal jeńip aldy.
QR UOK málimetinshe, Maksım Sajnev dısk laqtyrýdan 60,45 metr natıjesin tirkep, altynnan alqa taqty. Osylaısha ol U20 sanatynda Qazaqstan rekordyn jańartty.
Anna Cherkashına (syryqpen sekirý) jáne áıelder quramasy 4h400 metrlik estafetada kúmis medal aldy.
Al Marııa Şıpacheva (úsh qarǵyp sekirý), Alına Golovına (100 m kedergiler arqyly júgirý), Margarıta Kosınova (400 m kedergiler arqyly júgirý) jáne Asqar Ómirzaq (onsaıys) qola júldege ıe boldy.
Qazaqstan kúresten jasóspirimder arasyndaǵy Azııa chempıonatynda 14 medal jeńip alǵanyn jazǵan edik.
