JES basshylarynyń jaýapkershiligin arttyrý máseleleri qarastyrylady - senator

ShYMKENT. QazAqparat – Jylý elektr stantsııalary basshylarynyń jaýapkershiligin arttyrý máseleleri qarastyrylady. Bul týraly Parlament Senatynyń depýtattary Nurlan Beknazarov pen Aıgúl Qapbarovanyń Shymkent qalasyndaǵy «Energoortalyq-3» AQ jumysymen tanysýy barysynda aıtyldy, dep habarlaıdy QazAqparat Palatanyń baspasóz qyzmetine silteme jasap.

Kompanııa ókilderiniń aıtýynsha, kásiporyn 1981 jyly salynǵan. Onyń negizgi jabdyqtary 61,5 paıyzǵa deıin tozyp ketken. Bıyl elektr stantsııasynyń negizgi jáne qosalqy jabdyqtaryna jóndeý jumystary júrgizilipti.

Senatorlar Memleket basshysynyń tapsyrmalaryn eskere otyryp, elimizdiń birqatar jylý elektr stantsııalarynda bolǵan aýyr apattardy jáne jylý berý maýsymynda avarııalyq jaǵdaılar men tehnıkalyq aqaýlardy aldyn alýdyń mańyzdylyǵyna JEO basshylyǵynyń erekshe nazaryn aýdardy.

«Memleket basshysynyń tapsyrmasy boıynsha energııa óndirýshi kompanııalarǵa aýqymdy tehnologııalyq saraptama júrgizildi jáne sharalar jospary belgilendi. Aldaǵy ýaqytta elektr stantsııalary basshylarynyń jaýapkershiligin arttyrý máseleleri boıynsha qoldanystaǵy zańnamaǵa ózgerister engizý qarastyrylatyn bolady», - dedi Aıgúl Qapbarova.

Sondaı-aq, senatorlar «Kongress Holl» kópsalaly kesheniniń qurylys barysymen jáne memlekettik-jekemenshik áriptestik aıasynda iske qosylǵan «Atameken» medıtsınalyq ortalyǵynyń jumysymen de tanysty.