Jerústi jáne jerasty sýy týraly derekterdi biriktiretin júıe ázirlenip jatyr
ASTANA. KAZINFORM - Jerústi jáne jerasty sýy týraly derekterdi biriktiretin Ulttyq aqparattyq júıe ázirlenip jatyr. Bul týraly jyl qorytyndysyna oraı BAQ ókilderine arnalǵan brıfıngte Sý resýrstary jáne ırrıgatsııa mınıstri Nurjan Nurjigitov aıtty.
- Byltyr jerasty sýynyń áleýetin tolyq paıdalaný maqsatynda jerasty sýyn barlaý, zertteý jáne ıgerý máselelerimen aınalysatyn Ulttyq gıdrogeologııalyq qyzmet qaıta quryldy.
Búgingi kúni Qazaqstannyń jerasty sýynyń barlanǵan qorlarynyń jalpy kólemi táýligine 43,2 mln tekshe metr dep baǵalanady. Bul olardy strategııalyq resýrsqa aınaldyrady, - dedi mınıstr.
Sonymen qatar ol Memleket basshysynyń sý resýrstaryn tsıfrlyq platforma arqyly basqarý jónindegi tapsyrmalaryn oryndaý aıasynda mınıstrlik jerústi jáne jerasty sýy týraly derekterdi biriktiretin Ulttyq aqparattyq júıeni ázirlep jatqanyn aıtty.
- Platforma spýtnıktik monıtorıng, gıdrobeketter, jedel eseptilik, vedomstvolyq statıstıka jáne esepteý qurylǵylarynyń málimetterin biriktiredi. Jobany 2026 jyldyń sońyna deıin aıaqtaý josparlanyp otyr, - dedi Nurjan Nurjigitov.
Aıta keteıik, Túrkistan oblysynda jańa eki sý qoımasynyń qurylysy aıaqtalýǵa jaqyn.