Shymbulaqta jasandy jolmen qar kóshkini túsirildi

ALMATY. KAZINFORM — «Shymbulaq» taý kýrortynyń qyzmetkerleri Avalauncher qondyrǵysynyń kómegimen taýlarda qardy túsirdi.

«Shkolnık» ýchaskesi boıynsha qondyrǵy 3 ret atyp, jasandy qar kóshkinine sebep boldy. Nátıjesinde ýchaskeniń ońtústik-shyǵys ekspozıtsııasynda 7.000 m³, soltústik ekspozıtsııasynda 11.000 mZ qar tústi. Kóshkin túsken orynda arnaıy tehnıka tazalaý jumystaryn istedi.

Sondaı-aq «Edelveıs» ýchaskesinde 1 ret atylyp, onda 25.000 m³ kóshkin tústi.

— Trassadan tys syrǵanaýdyń kóshkin jáne jaraqat alý sııaqty táýekelderi bar ekenin eske salamyz. Abaı bolyńyzdar, belgilengen trassalardyń aıasynda ǵana syrǵanańyzdar, — dep habarlady taý kýrortynan.

Eske salaıyq, buǵan deıin Almatyda qar kóshkini saldarynan bir adam qaza taýyp, eki adam jaraqat alǵanyn jazǵanbyz.