Jertólede «poker» oıynyn uıymdastyrǵan astanalyq 7 jylǵa sottalýy múmkin

NUR-SULTAN. QazAqparat - Qarjylyq monıtorıng agenttiginiń Nur-Sultan qalasy boıynsha departamenti zańsyz «poker» oıynyn uıymdastyrý faktisin anyqtady, dep habarlaıdy QazAqparat.

Elorda turǵyny zańsyz materıaldyq paıda tabý maqsatynda turǵyn úıdiń jertólesinen zańsyz oıyn mekemesin ashyp, qolma-qol aqshaǵa fıshka satý jáne alý arqyly qumar oıynyn ótkizgen.

Qazir tergeý amaldary júrip jatyr. Bul azamat 4 jyldan 7 jylǵa deıin bas bostandyǵynan aıyrylýy múmkin.

2022 jyldyń 7 aıynda QMA 82 oıyn mekemesiniń, onyń ishinde 4 astyrtyn kazınonyń qyzmetin toqtatty.

Oıyn avtomattary, termınaldar, poker ústelderi, rýletka ústelderi, kompıýter, uıaly telefon sııaqty 3 myńǵa jýyq zat, sondaı-aq 5 mln teńgeden astam somaǵa qarajat túrindegi aıǵaqtar tárkilendi.

Foto: get.pxhere.com