Jertólede oqyp kelgen oqýshylar máselesi tolyqtaı sheshildi - Qyzylorda oblysy
QYZYLORDA. QazAqparat - Jertólede oqyp kelgen oqýshylar máselesi tolyqtaı sheshildi. Bul týraly QazAqparat oblystyq bilim basqarmasyna silteme jasap habarlaıdy.
Qyzylorda oblysy Jańaqorǵan kentindegi №169 mektep oqýshylary jertólede eńbek pánin oqyp jatqandyǵy BAQ-ta aıtylǵan bolatyn.
Basqarma bergen málimetterge súıensek, oryn alǵan oqıǵa 2017-2018 oqý jylynyń basynda anyqtalyp, ol jóninde tıisti jumystar júrgizilgen.
Qazirgi tańda mekteptiń oqýshylary barlyq pánderdi mekteptiń tıisti kabınetterinde oqýda. Aıta ketetin bir jaıt, atalǵan mekteptiń qurylysy salýǵa qajetti ǵımarattar qataryna engizilip, aldaǵy ýaqytta bilim berý uıymy jańa mektepke kóshetin bolady.
Jalpy Jańaqorǵan aýdany boıynsha 2017 jyly 2 mektep ǵımaratynyń qurylysy aıaqtalyp, el ıgiligine berilse, ústimizdegi jyly paıdalanýǵa berilgeli turǵan 4 mektep bar.
