Jerserigi Kaspıı teńizinen gaýhar tasqa uqsaıtyn muzdy túsirip aldy
ASTANA. QazAqparat - LandSat-8 jerserigi Kaspıı teńizinen gaýhar tasqa uqsaıtyn muzdyń bóligin túsirip aldy. Ony nılas, ıaǵnı juqa teńiz muzy qorshap tur. Bul sýret NASA-nyń Jer observatorııasynyń saıtynda jarııalanǵan.
Habarlamadan málim bolǵanyndaı, Kaspıı teńiziniń soltústik bóliginiń ońtústigine qaraǵanda tuzy az jáne sýy da jumsaq. Osyǵan qaraı teńizdiń soltústik bóliginiń qysta sýyq aýa temperatýrasynyń saldarynan qatyp qalý múmkindigi de zor. Teńizdiń óte taıaz jerlerine muz barynsha qalyń bolady.
«Gaýhar tas» syrt qaraǵanda teńiz muzdyǵynan bólinip qalyp, ózdiginen qalqyp júrgendeı áser qaldyrady, dep jazady Gazeta.ru.
Shyn sáninde frantsııalyq geofızıka jáne muhıt zertteý zerthanasynyń ókili Alekseı Kýraevtyń aıtýynsha, muzdyń astyńǵy jaǵy teńizdiń túbine deıin boılap tur. Al onyń sý betinde qalyp turǵandaı áser qaldyrýy maıda muzdardyń aınalasynan jeldiń kúshimen ótip jatýyna baılanysty.
