Jerorta teńizinde mıgranttar mingen eki keme apatqa ushyrady
Jerorta teńizinde mıgranttar mingen eki keme apatqa ushyrap, toǵyz adam qaza tapty, dep habarlaıdy Kazinform Euronews-ke silteme jasap.
Týnısten Italııaǵa baǵyt alǵan birinshi kemede 60-qa jýyq jolaýshy bolǵan. Qaza tapqan bes adamnyń denesi men keme Sıtsılııadaǵy Marınella-dı-Selınýnte qalasynyń jaǵajaıynan tabyldy. Jaǵaǵa aman jetken 35 adamǵa kómek kórsetildi. Jaǵalaý kúzeti qalǵan jolaýshylardy izdestirip jatyr.
Nemistiń Sea Eye kemesi juma kúni 49 mıgrant mingen qaıyqty tapty. Ol Lıvııadan kele jatqan. Barlyq adam evakýatsııalanyp, Lampedýzaǵa jetkizildi. Olardyń arasynda aýyr haldegi júkti áıel bar. Sondaı-aq sýǵa batqan tórt jolaýshynyń denesi tabyldy.
Keıingi jyldary Jerorta teńizi baǵyty boıynsha mıgranttar aǵyny kúrt ósken. Eldiń Іshki ister mınıstrliginiń málimetinshe, qańtar aıynan beri osy baǵyt arqyly Italııaǵa 142 myńnan astam adam kelgen. Bir jyl buryn bul kórsetkish 82 myńnyń shamasynda bolǵan edi.
Halyqaralyq kóshi-qon uıymynyń (HKQU) esebinshe, 2014 jyldan beri Jerorta teńizin kesip ótýge árekettengen 28 myńnan astam adam iz-tússiz joǵalǵan.
