Jerorta teńizi aımaqtarynan kelgen tsıklon áserinen boran soǵady

ASTANA. KAZINFORM —  Aldaǵy kúnderi Qazaqstan aýmaǵy arqyly Jerorta teńizi aımaqtarynan kelgen tsıklon ótedi. Osyǵan baılanysty respýblıkanyń kóp bóliginde qar jaýyp, boran soǵady. Bul týraly Qazgıdromet RMQ málim etti. 

Sınoptıkterdiń boljamynsha, batys, ońtústik jáne ońtústik-shyǵys óńirlerde jańbyr men qar túrindegi jaýyn-shashyn bolady.

3 qańtarda soltústik-batysta qatty qar kútiledi,

5 qańtarda ońtústik-shyǵysta kúshti jaýyn-shashyn boljanady.

Respýblıka boıynsha kóktaıǵaq, tuman, jeldiń kúsheıýi kútiledi.

Eldiń batysynda túnde aýa temperatýrasy 0–8° aıazǵa deıin, kúndiz 2° aıazdan 5° jylýǵa deıin kóteriledi.

Ortalyq óńirlerde temperatýra tómendeıdi: túnde 10–18° aıaz, kúndiz 5–12° aıaz.

Ońtústikte túnde 0–10° aıaz, kúndiz 6° aıazdan 2° jylýǵa deıin.

Ońtústik-shyǵysta túnde 0–5° aıaz, taýly aımaqtarda 8–13° aıaz, kúndiz 2° aıazdan 3° jylýǵa deıin, taýly óńirlerde 5–10° aıaz kútiledi.

Shyǵys óńirlerde túnde aýa temperatýrasy 5–13° aıazǵa deıin joǵarylap, kúndiz 5–10° aıazǵa deıin tómendeıdi.