Jerorta teńizinen Rım ımperııasy kezindegi keme tabyldy
ASTANA. QazAqparat - Ispanııalyq arheologtar Kabrera araly mańynan (Balear araldarynyń tobyna jatady) Rım ımperııasy kezine jatatyn, shamamen 1,8 jyl buryn sý astyna ketken kemeni taýyp aldy, dep jazady Rıa Novostı.
Keme 70 metr tereńdikte jatyr jáne úlken kólemde qumyralar tasymaldaýmen aınalysqan. Keme sý astynda qansha jyl jatsa da qumyralar jaqsy saqtalyp qalǵan. Bul Balear araldarynan tabylǵan eń qundy jádigerler, dep jazady El País.
«Bizge málim bolǵanyndaı, Ispanııa sýlarynan tuńǵysh ret sý astyna ketkeli eshkimniń aıaǵy baspaǵan keme tabyldy»,-dep málimdedi arheolog Haver Rodrıges.
Kabrera araldarynan Rım ımperııasynyń kezinen jetken barlyǵy 12 keme tabylǵan.
Sý astynda keme bolýy múmkin degen jańalyqty alǵashqy bolyp jergilikti balyqshylar jetkizgen. Olardyń balyq aýlaýǵa arnalǵan torlaryna qumyralardyń bólshekteri túsken. Ótken jyldyń sáýir aıynda ǵylymı ekspedıtsııa osy aýdanda eki robotty sýǵa túsirip, olardyń kómegimen 15 metr qalyńdyqtaǵy qum arasynan túrli kólemdegi qumyralardyń túsirilimin jasady.
Qazan aıynda eki kásibı súńgýir kemeni zertteý úshin birneshe ret sý túbine súńgigen. Olar 2 myńnan astam túsirilim jasady.
Arheologtardyń málimetterinshe, keme bizdiń eramyzǵa deıingi III jáne IV ǵasyrlarǵa jatady.
Boljam boıynsha, uzyndyǵy 20 metr bolatyn keme saýda jasaýmen aınalysqan jáne ol Soltústik Afrıka, Ispanııa, Frantsııanyń ońtústigi men Rım arasynda júzetin bolǵan.
«Balear araldary joldyń ortasynda jatyr. Osyǵan qaraı ol aýa raıynyń buzylǵan jaǵdaıda tasalaı turýǵa jaqsy múmkindik beretin. Olar aýa raıynyń buzylýyna baılanysty jaǵalaýǵa jete almaı keme sýǵan ketken bolýy múmkin»,-deıdi Rodrıges.
