Jerorta teńizinen 11 mıgranttyń denesi tabyldy
ASTANA. QazAqparat - Lıvııa astanasynda áreket etetin Qyzyl jarty aı uıymynyń qutqarýshylary Jerorta teńizinen 11 mıgranttyń máıtin alyp shyqty, dep habarlaıdy Habar 24 telearnasy.
Qutqarýshylardyń aıtýlarynsha, áli bes adam izdestirilýde. Marqumdar rezeńke qaıyqpen Lıvııaǵa jaǵalaýyna jetip, odan ári Eýropaǵa ótýdi kózdegen. Alaıda bosqyndar úshin Jerorta teńizin júzip ótý óte qaýipti sapar bolyp tur. Bıyl osy jolda 4636 adam mert bolǵan.
Bul ótken jylǵy kórsetkishpen salystyrǵanda 1000 adamǵa artyq.
«Bizge Jerorta teńizinde 16 bosqynnyń jansyz denesi qalqyp júrgeni týraly aqparat tústi. Jedel izdestirý jumystarynyń barysynda 11 máıit tabylyp, Tadjýra jaǵalaýyna jetkizdik. Qalǵan beseýin áli izdestirip jatyrmyz», - deıdi «Qyzyl Jarty aı» uıymynyń qutqarýshysy Muhamed Ahmed.
