Jerorta teńizinde jyl basynan beri 4 220 mıgrant qaza tapqan
BRıÝSSELЬ. QazAqparat - Jyl basynan beri Jerorta teńizi arqyly eýropaǵa ótkisi kelgen 4 220 mıgrant qaza tapty nemese joǵalyp ketti, dep habarlaıdy Brıýsseldegi «QazAqparat» HAA menshikti tilshisi Kóshi-qon jónindegi halyqaralyq uıymǵa (KHU) silteme jasaı otyryp.
KHU jumada taratqan aqparattyq bıýlletende aǵymdaǵy jyly 2015 jyldyń osyndaı kezeńine qaraǵanda 725 adam mert bolǵany atap ótilgen. Sondaı-aq «Ótken jylmen salystyrǵanda kóz jumǵandar sanynyń ulǵaıýy eki faktormen baılanysty», - degen Jerorta teńizi boıynsha KHU úılestirý bıýrosynyń dırektory Federıko Sodanyń sózi keltirilgen. «Sáýirde jáne mamyrda úsh iri keme aýdaryldy, sol kezde 1 400-ge jýyq adam qaza tapty».
Ózderiniń aqparattyq bıýlleteninde KHU 2 qarashadaǵy jaı-kúı boıynsha Eýropaǵa teńiz arqyly 335 031 kóship-qonýshy kelgenin málim etip otyr. Qonys aýdarýshylardyń negizgi aǵynyn Grekııa (769 901) jáne Italııa (159 496) qabyldaǵan. Aıta keter jaıt, osy jyly kelgender sany ótken jylǵa qaraǵanda edáýir az. 2015 jylǵy 31 qazanda EO elderine 729 myń mıgrant pen bosqyndar teńiz arqyly júzip kelgen
