Jerorta teńizinde Eýropaǵa bara jatqan mıgranttar qaza tapty
ASTANA. QazAqparat - Teńizge shyqqan mıgranttardyń qaza tabýyna qatysty bıylǵy jyldyń birinshe oqıǵasy tirkeldi, dep habarlaıdy euronews.com.
Lıvııa jaǵalaýynda Jerorta teńizin úrlemeli qaıyqpen kesip ótpek bolǵan 25 mıgrant qaza tapqan. Bul týraly nemistiń úkimettik emes Sea Watch uıymy málim etken.
Bul bıylǵy jyldaǵy alǵashqy qaıǵyly oqıǵa. Qaıyqta barlyǵy 150 adam bolǵan. Italııanyń jaǵalaý kúzeti keltirgen málimet buǵan sáıkes kelmeıdi. Olardyń aqparaty boıynsha segiz adam sýǵa ketken, 84 adam qutqarylǵan.
Eske sala ketsek, byltyr 171 myń mıgrant Eýropany panalaý úshin Jerorta teńizin zańsyz kesip ótken. Halyqaralyq kóshi-qon uıymy osyndaı málimet keltiredi. Derekte úsh myńnan astam adam qaýipti saparda sýǵa ketip, kóz jumǵany aıtylady.
