Jerorta teńizinde EgyptAir laıneriniń qara jáshigi tabyldy
ASTANA. QazAqparat - Jerorta teńizinde bir aı buryn apatqa ushyraǵan EgyptAir avıakompanııasynyń Airbus A320 ushaǵynyń qara jáshigi tabyldy, dep habarlady mysyrlyq tergeýshiler.
Parıjden Kaırge bet alǵan ushaq 19 mamyrǵa qaraǵan túni Jerorta teńizine qulady. Avıalaıner bortynda 66 adam, onyń ishinde 56 jolaýshy bolǵan. Olardyń barlyǵy qaza tapty, dep málimdedi BBC.
Ushaq radar ekranynan apat belgisin bermesten, grekııalyq jáne myrsyrlyq baqylaý stansasynda joǵalyp ketti.
Bir apta buryn grekııalyq úkimet Jerorta teńizinen joǵalǵan ushaqtyń synyqtary, júgi men adam súıekteri tabylǵanyn málimdegen.
Apattyń sebebi resmı túrde áli habarlanǵan joq.
