Jerorta teńizinde bir táýlikte 3500-den astam mıgranttar qutqaryldy
ASTANA. QazAqparat - Italııanyń jaǵalaýlyq kúzeti ótken táýlikte Jerorta teńizinde 3500-den astam mıgrantty qutqarǵanyn habarlady.
Olardyń bári de Italııa porttaryna jetkizildi.
Ókimet oryndarynyń aıtýynsha, adamdardy jasyryn tasyp jetkizýshiler Jerorta teńizindegi qolaıly aýa raıyn paıdalanyp qalǵan, dep habarlady Bı-bı-sı.
Sáýir aıynda EO elderiniń kóshbasshylary Jerorta teńizindegi qutqarý operatsııalaryn qarjylandyrýdy úsh ese arttyrýǵa kelisken bolatyn. Bul sheshim Eýropaǵa attanǵan keme aýdarylyp, 800-den astam mıgrant sýǵa ketkennen keıin qabyldandy.
