Jerorta teńizinde apatqa ushyraǵan keme jolaýshylaryn qutqarý operatsııasy júrgizilýde
ASTANA. QazAqparat - Grekııanyń jaǵalaý kúzeti Krıt aralynyń soltústik-batysyna qaraı 65 mıl jerde, Jerorta teńizinde apatqa ushyraǵan kemedegi 400 zańsyz mıgrantty qutqarý operatsııasyn júrgizýde, dep habarlady sheteldik BAQ
32 metrlik kemeniń apatqa ushyraǵandyǵy jaıynda dabyl keshe túnde túsken. Keme bortyndaǵy mıgranttardyń naqty sany belgisiz, degenmen aldyn ala málimetterge qaraǵanda, olardyń sany shamamen 400 adamdy quraıdy. Aıta keterligi, kemeniń sýǵa batyp ketý qaýpi joq.
Grekııa Saýda floty Biryńǵaı operatsııalar ortalyǵynyń buıryǵymen apatqa ushyraǵan kemege eki júk kemesin jóneltti. Sonymen birge Amerıkanyń áskerı kemesi de kómekke bara jatyr.
Qazirgi ýaqytta apat oryn alǵan jerge jetken kemege mıgranttardy otyrǵyzý júrgizilýde.
