Jerorta teńizinde 90 mıgrant kóz jumdy
BRıÝSSELЬ. QazAqparat - Juma kúni Lıvııa jaǵalaýynda mıgranttar mingen keme apatqa ushyrap, kem degende 90 adam mert boldy, dephabarlaıdy «QazAqparat» HAA tilshisi.
«Búgin tańerteń Lıvııa jaǵalaýynda qaıyqtyń apatqa ushyraýy saldarynan 90 mıgranttyń sýǵa batyp ketkeni týraly habarlandy», - delingen Halyqaralyq mıgratsııa jónindegi uıymnyń (HMU) habarlamasynda.
«Lıvııa jaǵalaýyna 10 máıit shyǵaryldy - olardyń ekeýi Lıvııa azamaty jáne segizi - pákistandyq», - dedi uıymdaǵylar.
Aman qalǵan úsh adamnyń aıtýynsha, qaza tapqandardyń kóbi Pákistan azamattary.
HMU deregi boıynsha, bıyl qańtarda 6,6 myń zańsyz ımmıgranttar Jerorta teńizi arqyly Eýropaǵa barmaqshy bolǵan. Olardyń 246-sy qaza tapqan nemese iz-túzsiz joǵalyp ketken.
