Jerorta teńizinde 400-den astam mıgrant ajal qushty
ASTANA. QazAqparat - Mysyr taratqan aqparattarǵa sáıkes, Eýropaǵa jetpek bolǵan 400-den astam mıgrant Jerorta teńizinde batyp ketti. Qaza tapqandardyń basym bóligi Somalıden boldy, dep habarlady Bı-bı-sı.
Olar teńizdi tórt tozǵan qaıyqpen júzip ótken.
Sońǵy jyldary Mysyr Eýropaǵa umtylǵan zańsyz mıgranttar úshin ótkizý beketine aınaldy. Myńdaǵan adam Aleksandrııadan teńiz arqyly attanady.
2016 jyldyń basynan Jerorta teńizi arqyly Eýropaǵa 100 myńnan astam bosqyn jetti.
Kóshi-qon isteri boıynsha halyqaralyq uıym habarlaǵandaı, Jerorta teńizi arqyly sátti ótip Eýropaǵa jetetinderdiń sany mıllıon bolsa, jolda ajal qushqandardyń úlesi 3 700 adamdy quraıdy.
Uıym boljamyna sáıkes, 2016 jyly Eýropaǵa taǵy bir mıllıon bosqyn barýy múmkin.
