Jerorta teńizinde 30-dan astam bosqyndy akýla jep ketti
ASTANA. QazAqparat - Jerorta teńizin júzip ótpek bolǵan bosqyndar akýla shabýylyna ushyrap, 31 adam mert bolǵan, taǵy 40-tan astamy iz-túzsiz joǵalǵan, dep habarlaıdy Lıvııa áskerı-teńiz kúshteriniń málimetterine súıengen Belta.
Italııa jaǵalaýlaryn betke alyp, Somalı, Nıgerııa, Gana jáne Efıopııadan 200-ge jýyq adam eki rezeńke qaıyqpen saparǵa shyǵady.
Sýda qaıyqtardyń biri zaqymdanyp, sýǵa bata bastaıdy. Sol kezde olarǵa tutqıyldan akýlalar shabýyldaıdy.
Oqıǵa ornyna kelgen Lıvııa jaǵalaý kúzeti ondaǵan adamnyń denesin jáne olardyń qasynda ersili-qarsyly júzip júrgen akýlalardy kóredi. Qutqarýshylar bes saǵat boıy qaıyq apatqa ushyraǵan aýmaqta izdestirý jumystaryn júrgizdi, alaıda iz-túzsiz joǵalǵan ondaǵan bosqyndy tabýdyń múmkindigi bolmady.
Qutqarylǵandardyń basym kópshiligi ekinshi qaıyqtyń jolaýshylary boldy. Olar Lıvııa astanasy Trıpolıge jetkizildi.
