Jerorta teńizinde 1,5 myńnan astam mıgrant Eýropaǵa jete almaı sýǵa batqan
BRıÝSSELЬ. QazAqparat - Jyl basynan beri Jerorta teńizinde sýda Eýropaǵa barmaqshy bolǵan 1,5 myń adam qaza tapqan. Mundaı derekterdi Halyqaralyq kóshi-qon uıymy (HKU) juma kúni jarııalady, dep habarlaıdy QazAqparat menshikti tilshisi.
«HKU-nyń «Іz-túzsiz joǵalǵan mıgranttar» jobasy 2018 jyly Jerorta teńizin kesip ótpek bolǵan 1 504 er adam, áıelder men balalardyń mert bolǵanyn qujattandyrdy. Olardyń jartysynan kóbi 1 maýsymnan beri qaza tapqan», - dep atap ótti uıym.
HKU-nyń deregi boıynsha, jyl basynan beri 25 shildege deıingi kezeńde Eýroodaq teńiz joldaryna 55 myń mıgrant pen bosqyn jetken. Bul ótken jylǵy kórsetkishten eki ese az. Byltyr Eýropa aýmaǵyna 111 myń adam qonystanǵan.
Mıgranttardyń basym bóligin Ispanııa qabyldaǵan (20 992 adam). Ekinshi orynda Italııa (18 130) tur. Odan keıin Grekııaǵa 15 528 adam barsa, Maltaǵa 243 mıgrant júzip jetken.
