Jerleý men dári satýdan paıda kórmek bolǵandar jazasyn aldy – Saǵyntaev
ALMATY. QazAqparat - «Almaty» arnasynda ótken Akimat Live baǵdarlamasynda Baqytjan Saǵyntaev pandemııany paıdalanyp, kóbirek paıda tappaq bolǵandar týraly aıtty, dep habarlaıdy QazAqparat tilshisi.
Qala ákiminiń sózine sensek, polıtsııaǵa zırat qyzmetkerleriniń zańbuzýshylyǵyn aıtyp, 8 adam júgingen.
Zırat qyzmetkerleri olardy bekitilgen somadan bólek 70-80 myń teńge tóleýge májbúrlegen.
Qazir osy is boıynsha 2 adam ustaldy.
«Qalada medıtsınalyq zattar men dári-dármek baǵasyn sharyqtatqan alypsatarlar ustaldy. Olar eń qajet buıymdardy kóterme baǵamen kóp mólsherde satyp alǵan. Sosyn ınternet arqyly habarlandyrý bergen. Qalalyq polıtsııamen birige otyryp, klıent retinde habarlasyp, kezdesýden soń olardy áshkereleýmen aınalystyq. Osylaısha 8,5 mln teńgege dári-dármek tárkiledik», - dedi ákim.
Zańsyz dári saýdasynyń jolyn kesý úshin polıtsııa, ekonomıkalyq tergeý departamenti, taýarlar men qymetterdiń sapasy men qaýipsizdigin qadaǵalaý departamentiniń mamandarynan mobıldi top quryldy.
Bul top 100-ge jýyq jýyq quqyqbuzýshylyqty anyqtady. Onyń 24-i boıynsha qylmystyq is qozǵaldy. 986 qaptama «Levotsın», «Ingavırın», «Fraksıparın», «Azıtromıtsın», 8,5 mln medıtsınalyq maska tárkilendi.
39 adam ákimshilik jaýapershilikke tartyldy.
