Jerlesimiz D. Kýzın konkımen júgirý sportynan Azııanyń jańa rekordyn ornatyp, Azıada chempıony atandy, enshimizde 22 altyn
ASTANA. 4 aqpan. QazAqparat - Búgin qazaqstandyq sportshy Denıs Kýzın konkımen júgirý sportynan 1500 metrge jarysýdan Azııanyń jańa rekordyn ornatyp, 7-Qysqy Azııa oıyndarynyń chempıony atandy. Osylaısha Qazaqstan quramasynyń qorjyny 22-altyn júldemen tolyqty.
Astanadaǵy konkımen júgirý jabyq stadıonynda ótken jarysta D. Kýzın atalmysh qashyqtyqty 1 mınýt 47,37 sekýndta júgirip ótti. Bul qurlyqtyń burynǵy rekordynan 1,76 sekýndqa jaqsy kórsetkish. Bul jarysta ońtústikkoreıalyq sportshy Mo Tae Býmý (Mo Tae Bum) kúmis júldeger atandy. Ol jerlesimizge 0,34 sekýndqa utylyp qaldy. Qola medaldi de taǵy bir ońtústikkoreıalyq Lı Kıý Hıýk (Lee Kyou Hyuk) ıelendi. Ol Kýzınge 1,29 sekýndqa utylyp qaldy. Atap óterligi, osy jarys kezinde bes birdeı konkımen júgirýshi sportshy qashyqtyqty Azııanyń burynǵy rekordyna qaraǵanda jyldam júgirip ótti.
