Jerlesimiz Avstralııadaǵy halyqaralyq dodanyń fınalynda
ASTANA. 3 qańtar. QazAqparat - Qazaqstandyq tennısshi Galına Voskoboeva Avstralııada ótip jatqan halyqaralyq dodanyń fınalyna ótti, dep habarlaıdy 24.kz.
Juptyq básekede frantsııalyq Krıstına Mladenovıchpen óner kórsetken jerlesimiz aldyńǵy qarsylastaryn aıqyn basymdyqpen utty. Al jekeleı synda jartylaı fınalǵa joldama alǵandar belgili boldy. Álemniń birinshi raketkasy Serena Ýılıams endi reseılik Marııa Sharapovamen kezdesedi. Al belarýstik Vıktorııa Azarenko men serbııalyq Elena ıAnkovıch ózara myqtyny anyqtaıdy. Brızben qalasyndaǵy dodaǵa álemniń eń úzdik tennısshileri qatysýda. Týrnırdiń júlde qory 1 mıllıon AQSh dollaryn quraıdy.
