Jerimiz sheteldikterge satylmaıdy - Prezıdent

NUR-SULTAN. QazAqparat – Jerimiz sheteldikterge satylmaıdy. Bul týraly búgin Qazaqstan halqyna Joldaýyn jarııa etken QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Kelesi jyly aýyl sharýashylyǵy maqsatyndaǵy jerlerde paıdalaný máselesi boıynsha Jer kodeksiniń keıbir normalaryna engizilgen moratorıı kúshin joıady. Jerimiz sheteldikterge satylmaıdy», - dedi Memleket basshysy.

Qazaqstan Prezıdenti agrarlyq sektorǵa ınvestıtsııa tartý aýadaı qajet ekendigin de basa aıtty.

«Kásibı mamandardyń tapshylyǵy, sonymen qatar agrarlyq ǵylymnyń oıdaǵydaı damymaýy - osy saladaǵy qordalanǵan máseleler», - dedi Memleket basshysy.