Jergilikti joldarda árbir úshinshi materıal talapqa saı emes
ASTANA. KAZINFORM – 2026 jyldyń basynan beri Jol aktıvteri sapasynyń ulttyq ortalyǵy jergilikti joldardan alynǵan 15 myńnan astam synamany zerttedi. Zerthanalyq synaq nátıjesinde olardyń 32%-y belgilengen talaptarǵa saı kelmegen.
Bul derekter Astanada QR Kólik mınıstrliginiń uıymdastyrýymen ótken «Sapaly jol: josparlaýdan paıdalanýǵa deıin» atty semınar-keńeste jarııalandy.
Al joldardyń ózinde jyl bastalǵaly 1 997 tehnologııalyq buzýshylyq pen aqaý tirkelgen. Onyń nebári 214-i joıylǵan, 1 783-i áli túzetilmegen. ıAǵnı anyqtalǵan kemshilikterdiń 90 paıyzǵa jýyǵy saqtalyp otyr.
– Zertteý nátıjeleri jergilikti joldardyń sapasyna qatysty másele jol qurylysyna qoldanylatyn materıaldardy paıdalaný kezeńinde-aq týyndaıtynyn kórsetip otyr. Zerthanalyq synaqtar talapqa saı kelmeıtin materıaldardy der kezinde anyqtap, olardyń jol nysanynyń sapasy men qyzmet etý merzimine keri áserin tıgizbeý úshin qajetti sharalardy qabyldaýǵa múmkindik beredi, – dedi «Jol aktıvteri sapasynyń ulttyq ortalyǵy» RMK bas dırektory Serik Imashev.
Budan bólek, 2024-2026 jyldary jergilikti atqarýshy organdar 1 127 jol nysanyn qabyldaǵan. Keıin júrgizilgen tekserýler bul nysandardan talapqa saı kelmeıtin tustaryn anyqtaǵan.
Mamandar normatıvtik qujattardaǵy talaptardy da qaıta qaraý qajet ekenin atap ótti. Sebebi qoldanystaǵy normalarda birqatar alshaqtyq bar. Bul jol jumystary men qoldanylatyn materıaldardyń sapasyn baǵalaýda ortaq talap qalyptastyrýǵa kedergi keltiredi.
Jıyn qorytyndysy boıynsha jergilikti joldardyń sapasyn arttyrýǵa baǵyttalǵan sharalar ázirlenip, anyqtalǵan kemshilikterdi joıý merzimi men jaýaptylar belgilenedi. Sondaı-aq jergilikti jol jelisine arnalǵan úsh jyldyq is-sharalar jospary daıyndalmaq.
Eske sala ketsek, Rahman qaınaryna aparatyn jol eki saǵatqa qysqardy.
