Jergilikti bıýdjetterge 243 mlrd teńgeniń túsimi beriledi – Zań jobasy
ASTANA. KAZINFORM – Májiliste birinshi oqylymda qaralyp jatqan «Jergilikti memlekettik basqarý jáne ózin-ózi basqarý týraly» zań jobasy jergilikti bıýdjetterdiń túsimin 243 mlrd teńgemen tolyqtyrady. Bul týraly depýtat Nurtaı Sabılıanov qujatty talqylaý kezinde aıtty.
- Zańdy tulǵalar men dara kásipkerlerdiń múlik salyǵynan túsetin túsimderdi, munaı sektorynan basqa qorshaǵan ortany qorǵaý salasyndaǵy aıyppuldardy, lıtsenzııalyq alymdardy aýdandyq mańyzy bar qalalar men kentterdiń, aýyl bıýdjetterine berý qarastyrylady. Ýákiletti organnyń bergen málimeti boıynsha jalpy túsim somasy 243 mlrd teńge bolady dep josparlanǵan. Bul qarajat jergilikti mańyzy bar máselelerdi sheshýge múmkindik beredi, - dedi depýtat.
Eske salsaq, Prezıdent Qasym-Jomart Toqaev máslıhat depýtattarynyń ІІІ respýblıkalyq forýmynda ákimdiktegi bıýdjettik komıssııanyń quramyna bilimdi, bedeldi máslıhat depýtattaryn qosýdy usynǵan edi.
Jańa oqý jylynda bilim bıýdjeti oblystan aýdandarǵa berilýi múmkin.
