Jergilikti joldardy jóndeýge 350 mlrd teńge bólinedi
Memleket basshysy sońǵy jyldary respýblıkalyq avtokólik jelileriniń qurylysy boıynsha tarıhı mańyzdy jumystardyń júrgizilgendigin atap ótti. Naqty aıtqanda, 12,5 myń shaqyrym, avtomobıl jáne 2,5 myń shaqyrym temir jol salynyp, qaıta jańǵyrtyldy.
«Avtoban salý mańyzdy. Degenmen, úıge deıin jetkizilgen jol odan da mańyzdyraq. Zamanaýı jergilikti joldary jelisin keńeıtý - bul Úkimettiń basty mindeti, onyń oryndalýyn partııa baqylaýy qajet. Bul maqsatqa qosymsha 350 mlrd teńge bólýdi tapsyramyn», - dedi N.Nazarbaev.
QR Prezıdentiniń dereginshe, atalǵan sharalardyń arqasynda 2025 jylǵa qaraı oblystyq jáne aýdandyq mańyzy bar joldardyń 95 paıyzynyń jaı-kúıi aıtarlyqtaı jaqsaratyn bolady. Sonymen qatar Elbasy óńirlik kólik ınfraqurylymynyń barlyq nysandary, onyń ishinde áýejaılar, avto jáne temirjol vokzaldary jańǵyrtylýy tıistigin basa aıtty.
