Jergilikti joldarda aqaý kóp – ulttyq sapa ortalyǵy

ASTANA. QazAqparat – Elimizde jergilikti mańyzy bar joldardyń sapasynda aqaý barshylyq. Bıyl 2,7 mlrd teńge jumsalǵan jol qaıta salynǵan. Bul týraly jol aktıvteri ulttyq sapa ortalyǵynyń dırektory Zamır Saǵynov málim etti, dep habarlaıdy QazAqparat tilshisi.

«Jol sapasyn qadaǵalaýǵa qatysty respýblıkalyq joldar boıynsha - mınıstrlikke qarasty avtomobılder komıtetimen, al jergilikti joldar boıynsha - ákimdiktermen kelisim jasalǵan. ıAǵnı kelisim bolsa, bizdiń jol sapasyn tekserýge quqyǵymyz bar. Árıne, jergilikti joldar boıynsha tabylyp jatqan aqaý kóp. Bıyl bizdiń usynysymyzben 2,7 mlrd teńgege tóselgen jol qaıta salyndy. Jol merdiger kompanııanyń esebinen salyndy», - dedi Zamır Saǵynov ortalyq kommýnıkatsııalar qyzmeti alańynda ótken baspasóz máslıhatynda.

Ulttyq ortalyq basshysynyń sózine sensek, quzyrly organdar tarapynan jol sapasyna qatysty qadaǵalaý bar.

«Árıne, jergilikti joldardyń sapasyn qadaǵalaý tolyq deńgeıde emes. Sebebi bizde keıbir ákimdiktermen kelisimshart joq. Sondyqtan másele ashyq kúıinde qalyp otyr. Tasjoldardyń tez jaramsyz bolyp qalýyna taǵy bir sebep - aýyr júk kólikteri. Degenmen sońǵy ýaqytta jergilikti kólik joldarynyń sapasyn qadaǵalap otyrmyz», - deıdi ol.

Aıta keteıik, brıfıngte belgili bolǵandaı elimizde aqyly joldardyń baǵasy ózgeredi.