Jergilikti jerlerdi sý basyp qalý oqıǵalary qardyń erýinen bolyp jatyr - vıtse-mınıstr M.Tolybaev
ASTANA. 21 aqpan. QazAqparat - Ońtústik Qazaqstan oblysynda jergilikti jerlerdi sý basyp ketý oqıǵalary qardyń erýinen bolyp jatyr. Oǵan Tótenshe jaǵdaılar mınıstrligi jaýapty.
Bul týraly búgin Astanada ótken baspasóz máslıhatynda QR Aýyl sharýashylyǵy vıtse-mınıstri Marat Tolybaev málim etti.
«Aýyl sharýashylyǵy mınıstrliginiń Sý resýrstary komıteti ózen men qoıma sýlaryn retteýge jaýapty. Biz Syrdarııa ózeni boıyndaǵy jaǵdaıdy tikushaqpen baqylaǵan kezde, meniń áriptesim Tótenshe jaǵdaılar vıtse-mınıstri Ońtústik Qazaqstan jáne Qyzylorda oblystarynda keńester ótkizdi. Onda qardyń erýinen keletin sýdyń aldyn alý máselesi talqylandy. Bul jumysqa Tótenshe jaǵdaılar mınıstrligi men jergilikti ákimdikter jaýapty. Bizge onyń eshbir qatysy joq», - dep atap kórsetti M.Tolybaev.
