Jergilikti jerde zańdardy qalaı burmalaıdy
QR Ádilet vıtse-mınıstri Elvıra Ázimovanyń aıtýynsha, jergilikti bılik zańǵa qaıshy keletin aktilerdi qabyldaıdy. Biraq ondaı qujattar memlekettik tirkeýge alynbaıdy.
«Máselen, ótken jyly 334 aktiniń zańǵa qaıshy ekeni anyqtaldy. Bul jalpy memlekettik tirkeýge túsetin qujattardyń 3,5 protsentin quraıdy. Byltyr atalǵan kórsetkish 5,4 protsent bolǵan. Árıne, osy saladaǵy jumystyń nátıjesinde zańǵa qaıshy aktilerdiń sany tómendep keledi. Degenmen, zań talaptaryn saqtamaý áreketteri áli de bar», - dedi E.Ázimova mınıstrliktiń keńeıtilgen májilisinde.
Vıtse-mınıstrdiń sózine qaraǵanda, sońǵy tekserister kezinde 715 tártip buzý faktileri anyqtaldy.
«Jergilikti bıliktiń 852 normatıvtik aktisi zańǵa saı emes bolyp shyqty. Osy faktiler boıynsha 255 laýazymdy tulǵa tártiptik jazaǵa tartyldy. Sondaı-aq, 78 ákimshilik is qozǵaldy. Ol isterdiń basym bóligi Soltústik Qazaqstan, Aqtóbe men Jamyl oblystaryna tıesili. Búginde barlyq ákimshilik ister aıaqtalyp, jergilikti jerde isteıtin 76 laýazymdy tulǵa ákimshilik jazaǵa tartyldy. Olardyń birde-bireýi qarsy shaǵym túsirmedi», - dep atap kórsetti E.Ázimova.
Aıta keteıik, otyrys kezinde QR Parlament Májilisiniń depýtaty Svetlana Bychkova zań shyǵarý jumysynyń basty kemishilikterin atady.
