Jergilikti sot organdarynda ákimshilik jáne azamattyq isterdi taldaý jumystary talapqa saı emes - Joǵarǵy sottyń jalpy otyrysy
ASTANA. Shildeniń 9-y. QazAqparat /Aıdar Ospanalıev/ - Jergilikti jerlerdegi sottarda ákimshilik jáne azamattyq ister boıynsha taldaý, saraptaý jumystary talapqa saı júrgizilmeı otyr. Bul týraly búgin elimizdiń sot júıesiniń jarty jyldyq qorytyndysyna arnalǵan Joǵarǵy sot sýdıalarynyń jalpy otyrysynda Joǵarǵy sot sýdıasy Almaz Táshenova málim etti.
Onyń sózine qaraǵanda, oblystyq sottarda sot organdarynyń qyzmetin baǵalaýǵa baǵyttalǵan jedel jáne jalpy otyrystar jıi ótkizilip otyrady. «Bul árıne qajet dúnıe. Soǵan qaramastan, aımaqta kóptegen sheshimin kútken máseleler bar. Onyń birinshisi sot aktileriniń oryndalmaıtyndyǵymen baılanysty. Ondaǵan azamattyq ister boıynsha sot otyrystary osy protseske qatysýshy taraptardyń ýaqytynda habarlandyrylmaýyna baılanysty ótpeı qalyp jatady. Osynyń barlyǵyn aımaqtyń ózinde sheshýge bolady. Olardy Joǵarǵy sottyń deńgeıinde sheshýdiń qajet joq. Bul jergilikti jerlerdegi sottardyń quzyryndaǵy máseleler», dedi sýdıa.
