Jergilikti polıtsııadaǵy reforma fýnktsııalardy bólip tastaýmen shektelmeıdi - N. Ábdirov

ASTANA. QazAqparat - Jergilikti polıtsııadaǵy reforma fýnktsııalardy bólip tastaýmen shektelmeıdi. Bul týraly búgin Májilistegi jergilikti polıtsııa qyzmeti taqyrybyna arnalǵan Úkimet saǵatynda qosymsha baıandama jasaǵan depýtat Nurlan Ábdirov osylaı málim etti.

«Ult Josparynyń 30-shy qadamyn sátti júzege asyrýy, jergilikti bılik pen polıtsııa prezıdenttik reformanyń mańyzyn qanshalyqty durys jáne tereń túsinetindigine tikeleı baılanysty ekenin atap ótkim keledi. Reforma tek qana fýnktsııalar men ókilettikterdi bólip tastaýmen shektelmeıtini anyq. 30-shy qadamdy júzege asyrý strategııasy úshin jaýapkershilikti jergilikti atqarýshy organdar men polıtsııanyń óz-ara birlesken túsinýshiligi mańyzdy bolýy qajet»,- dedi depýtat.

Onyń aıtýynsha, jergilikti polıtsııa sekildi jańa ınstıtýttyń qurylǵanyna áli tolyq bes aı ótken joq. Sondyqtan da, bul ınstıtýtqa baǵa berýge áli erterek.

«Osyny eskere otyryp, jergilikti polıtsııa qyzmetiniń qalyptasýy týraly máseleni bıylǵy jylǵy qorytyndylary boıynsha 2017 jyldyń 1 toqsanynda qaraýdy oryndy dep esepteımiz», dedi N. Ábdirov.