Jergilikti polıtsııa qurý máselesi aıaqtalýǵa jaqyn - Q. Qasymov
ASTANA. QazAqparat - Jergilikti polıtsııa qurý máselesi Ulttyq komıssııada qaralyp jatyr. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Ishki ister mınıstri Qalmuhanbet Qasymov málim etti.
"Qazirgi kúni Elbasynyń tapsyrmasy boıynsha jergilikti polıtsııa qurý máselesi Ulttyq komıssııada qaralyp jatyr, aıaqtalýǵa jaqyn. Bul máseleni birden sheshý múmkin emes, biraq ol bizdiń qolymyzdan keledi. Ol elimizdiń ulttyq qaýipsizdigin qamtamasyz etýdi qozǵaıdy", - dedi mınıstr.
Onyń aıtýynsha, eń mańyzdysy - polıtsııany reformalaý barysynda quqyqtyq tártipti bosańsytyp almaý.
"Biz shet memleketterdiń tájirıbesin óte muqııat zerdeledik, jaǵdaılar ár elde ártúrli. Kóbine, jaǵdaı ár eldiń memlekettik qurylymyna, basqarý qaǵıdattary men júıelerine baılanysty. Alda bolatyn reformalar týraly talqylaýlar aıaqtaldy. Qazir ony iske asyrýdyń árbir sharasy naqty pysyqtalýda. Árıne, jergilikti polıtsııanyń qazaqstandyq úlgisi qurylady dep senemiz", - dedi Q. Qasymov.
