Jergilikti polıtsııa basshysy jezókshelerdi qalaı qýǵandaryn aıtyp berdi
ASTANA. QazAqparat - Búgin qala turǵyndarynyń aldynda esep bergen Astana qalalyq Іshki ister departamenti Jergilikti polıtsııa qyzmetiniń basshysyna qala turǵyny «Jeńil júrisi qyzdarmen kúres júrgizile me?» degen suraq qoıdy.
«Meniń suraǵym Astana qalasynyń temirjol vokzaly men «Dəýlet» dúkeniniń janyndaǵy jaǵdaıǵa qatysty. Meni bəri túsingen shyǵar... Elordasy Astananyń kireberisinde saǵan telefon satyp al, pəter jaldap al, bir saǵatqa qyz jaldap al degen qyzmetterdi usynǵany teris qoı. Osy məseleni sheship berseńizder, jaqsy bolar edi»,-dedi qala turǵyny.
Bul suraqqa qatysty Baqytjan Malybaev Astanadaǵy «túngi kóbelektermen» alty jyldan beri kúresip kele jatqanyn aıtty.
«Osy jumysty alty jyldan beri júrgizip kelemiz. Ərıne, jezókshelikti túbimen qurttyq dep aıta almaımyn. Alaıda, buryn jeńil júristi əıelder Bógenbaı batyr dańǵylynda turatyn, ol jerden qýdyq. Sosyn «túngi kóbelekter» Beıbitshilik kóshesine baryp aldy, odan da qýdyq, keıin olar kólikpen júrip «saýda» jasaıtyn boldy, kólikterin qýyp edik, endi pəter jaldaýǵa kóshti. Zańnyń 450-baby bar, ıaǵnı jezókshelikpen aınalysý úshin úı-jaıdy jalǵa bergender jazalanady. Biraq, buny dáleldeý óte qıyn. Al pəterlerin jalǵa beretin kəsipker tirkelgen bolsa, eshteńe isteı almaımyz. Sondyqtan, bul zańsyzdyqpen qoǵam bolyp kúresý kerek»,-dedi B.Malybaev.
