Jergilikti ózin-ózi basqarýdy engizý kez kelgen memlekettiń ornyqty demokratııalyq damýyna qyzmet etedi - EQYU ókili
amyrdyń 21-i. QazAqparat /Qanat Mámetqazyuly/ - Jergilikti ózin-ózi basqarýdy engizý kez kelgen memlekettiń ornyqty demokratııalyq damýyna qyzmet etedi.
Búgin «Jergilikti ózin-ózi basqarýdy damytý - óńirlerdiń ornyqty damýynyń qajetti sharty» atty halyqaralyq konferentsııa barysynda Astanadaǵy EQYU ortalyǵy basshysynyń orynbasary Jannet Klettser osylaı málim etti, dep habarlaıdy QazAqparat.
«Jergilikti ózin-ózi basqarý azamattyq qoǵamdy damytýǵa, jergilikti jerlerde demokratııalyq sheshimder qabyldaýdy qamtamasyz etýge asa zor septigin tıgizedi. Sonymen birge, jergilikti ózin-ózi basqarýdy engizý kez kelgen memlekettiń ornyqty demokratııalyq damýyna qyzmet etedi», dedi J. Klettser.
Onyń aıtýynsha, kez kelgen memlekette jergilikti ózin-ózi basqarý júıesin damytý túsý azamattardyń kúndelikti ómir sapasyn jaqsartýdyń aıqyndalǵan joly bolyp tabylady. Máselen, osy arqyly jergilikti ekonomıkalyq hám áleýmettik damýdy, qorshaǵan ortany jaqsartý, bala tárbıesi men halyq densaýlyǵy sekildi mańyzdy máselelerdiń oń sheshimin tabýǵa da yqpaly bar. «Bunymen qosa, atalǵan baǵyt memlekettik basqarýdyń barlyq deńgeıine azamattardyń qatysý quqyǵyn qamtamasyz etedi. Degenmen, memleket ómirine azamattardyń keńinen qatysýyn qamtamasyz etý basqarýdyń jurtshylyqqa etene jaqyndaı túsken oryndarda ǵana aıqyn kórinis taýyp otyr», dedi EQYU ókili.
