Jergilikti ózin-ózi basqarýdy damytý gúldený men ál-aýqattyń mańyzdy sharty bolyp tabylady - B.Baıbek
ASTANA. 7 qarasha. QazAqparat - Jergilikti ózin-ózi basqarý júıesin damytý ekonomıkalyq gúldenýdiń, áleýmettik ál-aýqattyń jáne azamattyq qoǵamdy qalyptastyrýdyń mańyzdy sharttarynyń biri bolyp tabylady.
Mundaı pikirdi QR Prezıdenti Ákimshiligi basshysynyń orynbasary Baýyrjan Baıbek bildirdi.
«Halyq ózderin tolǵandyrǵan máselelerdiń sheshilýine belsendi qatysýy ári olar úshin belgili bir jaýapkershilikke ıe bolýy tıis. Kóbine qala ákimderine «Bizdiń lıftimiz nege taza emes?», degen saýal qoıylady. Mine, bul durys emes. Ákimder árbir lıftiniń tazalyǵyn qadaǵalaýǵa tıisti emes. Muny sol podezde turatyn azamattardyń ózderi qadaǵalaýy qajet. Dál osyndaı shara jergilikti ózin-ózi basqarýdyń negizi bolýy tıis», - dedi ol.
B.Baıbektiń atap ótýinshe, «Strategııa-2030» baǵdarlamasyn júzege asyrý aıasynda jergilikti ózin-ózi basqarýdyń jumys isteýine qajetti baza qazirdiń ózinde qalyptasqan. El Konstıtýtsııasyna ózgertýler engizilip, qajetti zańdar qabyldanǵan. Ózin-ózi basqarý qyzmetin jergilikti jerlerde apparatynda 3-5 adam bar 2,5 myń aýyldyq ákimdikter atqaratyn bolady.
