Jergilikti óńirlerde jerdi túgendeý jumysyna jetkilikti kóńil bólinbeı otyr
ASTANA. 14 tamyz. QazAqparat - Jergilikti óńirlerde jerdi túgendeý jumysyna jetkilikti kóńil bólinbeı otyr. Bul týraly búgin Úkimette ótken selektorlyq keńeste Jer resýrstaryn basqarý agenttiginiń tóraǵasy Qadyrhan Otarov málim etti.
Agenttik tóraǵasynyń aıtýynsha, jerdi túgendeý barysynda jeke turǵyn úı qurylysyna berilgen jer ýchaskeleri boıynsha túsken ótinishterge saraptaý júrgizý týraly usynys jasalǵan. Óıtkeni, olardyń sanyna qatysty málimetterdiń naqtylyǵynda kúmán bolǵan. «Alaıda bul jumys tek Aqtóbe, Mańǵystaý oblystary men Almaty qalalary boıynsha ǵana júzege asqan», - dedi agenttik tóraǵasy. «Osynyń ózi jergilikti óńirlerde jerdi túgendeý aktsııasynyń saıasatyna jetkilikti túrde kóńil bólinbeı kele jatqanyn kórsetedi. Al bul sharanyń basty maqsaty - el azamattaryn jeke turǵyn úı qurylysyna yntalandyrý», - dedi Q. Otarbaev.
