Jergilikti bıýdjettiń qalyptasýy barsha halyqqa túsinikti bolýy tıis – depýtat
«Prezıdent Qasym-Jomart Toqaevtyń bastamasymen 2019 jyldan bastap Qazaqstan kúrdeli qoǵamdyq-saıası transformatsııa kezeńin ótkerip jatyr. Elimizde aýyl ákimderin halyqtyń tikeleı saılaýy múmkindigi bar. Aýdan, qala ákimderin bıyl pılottyq deńgeıde, kelesi jyldan bastap, tikeleı saılaý múmkindigi bolady. Qazaqstan sýperprezıdenttik basqarý júıesinen bas tartty. «Bir Prezıdent – bir merzim» saıası novellasy engizildi.
Májiliste Qazaqstannyń saıası tarıhynda alǵash ret 6 partııa jumys istep jatyr. Konstıtýtsııalyq sot quryldy. Memleket basshysy Toqaev kúrdeli geosaıası jaǵdaıda halyqqa Konstıtýtsııalyq reformany usynyp, ol ózgeristerdi halyq tolyqqandy qoldady», - dedi E. Saırov Úkimet basshysy Álıhan Smaıylovtyń atyna joldaǵan saýalynda.
Onyń aıtýynsha, Májilistegi AMANAT fraktsııasy endi Úkimet jergilikti ákimshiliktermen birlesip, osy saıası transformatsııany halyqty sheshim qabyldaý protsesine keńirek aralasýy úrdisine aınaldyra otyryp, qoǵamnyń áleýmettik-ekonomıkalyq belsendigin arttyrýǵa paıdalanýy qajet.
«Aımaqtarda jergilikti ákimder bıýdjet qabyldaý protsesine jańa saılanǵan máslıhattardyń tvorchestvolyq potentsıalyn paıdalana otyryp, bıýdjet protsesine qoǵamdy keńirek qatystyrý mádenıetin jasaý mańyzdy. Jergilikti bıýdjettiń qalyptasýy barsha halyqqa jappaı ashyq jáne túsinikti bolýy tıis. Aýdandyq, oblystyq deńgeıdegi ótkir máseleler ashyq talqydan óte otyryp, sheshimder jergilikti qoǵamdastyqpen kelise otyryp qabyldanǵany abzal. Úkimettiń ónerkásip, aýyl sharýashylyǵy saıasatyn, tarıfterdi ózgertkende, bul qadamdar halyqqa túsinikti ári ashyq bolýy shart», - dedi depýtat.
Onyń paıymynsha, Úkimet elimizde ótip jatqan saıası transformatsııanyń máni men mańyzyn halyqqa túsindire otyryp, azamattardyń qoǵamdyq tvorchestvosyn arttyrýǵa baǵyttalǵan naqty sheshimder qabyldaýy tıis.
