Jergilikti bıliktiń jer berýge qatysty shyǵarǵan sheshimderdiń 70 paıyzy zańsyz dep tanyldy - Q.Otarov
ASTANA. 11 mamyr. QazAqparat - Ótken úsh jylda jergilikti bılik organdarynyń jer telimderin berýge qatysty shyǵarǵan sheshimderdiń 70 paıyzy zańsyz dep tanyldy.
Bul týraly búgin Aqordada Sybaılas jemqorlyqqa qarsy kúres máseleleri jónindegi komıssııanyń otyrysynda QR Jer resýrstaryn basqarý agenttiginiń tóraǵasy Qadyrhan Otarov málim etti.
Onyń habarlaýynsha, 2008-2011 jyldary jergilikti bıliktiń jer telimderin berýge qatysty 3301 sheshimi tekserilip, 2382 sheshim zańsyz dep tanyldy.
«Bul kórsetkish jyl sanap ósip keledi. Onymen birge halyq tarapynan jergilikti bılik organdarynyń zańsyz jumysyna qatysty sottarǵa túsip jatqan aryz-shaǵymdar da kóbeıýde», - deıdi Q.Otarov.
Agenttik tóraǵasy atap kórsetkendeı, tekserister kezinde jergilikti bılik organdary shyǵarǵan 1423 sheshimniń kúshi joıyldy. Ákimdikterde jumys isteıtin 181 laýazymdy tulǵa ákimshilik jaýapqa tartylyp, 7 mln. teńge kóleminde aıyppul tóleýge mindetteldi. Sondaı-aq ákimdikterdiń 125 jetekshisi men 218 qyzmetkerine qatysty tártiptik jaza qoldanyldy.
