Jergilikti bılik Óskemendegi JEO-ynda bolǵan órtke qatysty túsinik berdi
ÓSKEMEN. QazAqparat - Óskemen qalasy ákimdiginde jylý elektr ortalyǵynda bolǵan órtke baılanysty tsinik berdi, dep habarlaıdy «QazAqparat» HAA tilshisi ShQO aqparattyq ortalyǵyna silteme jasap.
«JEO-ynyń jumysyna órttiń zııany tıgen joq. Ystyq sýmen jabdyqtaý toqtatylmaıdy. Nysan shtattyq tártippen jumys isteı beredi. Órttiń saldarynan zardap shekkender joq», - dedi Óskemen qalasy ákiminiń orynbasary Erjan Qońyrbaev.
Búgin habarlanǵanyndaı, saǵat 11-00-der shamasynda Óskemenniń óndiris alańy aımaǵynda órt shyqqan. Keıinnen JEO-ynyń qorshaý ǵımaratynyń tóbesi (sýdy salqyndatýǵa arnalǵan qurylǵy) janyp ketkendigi anyqtaldy.
Qala ákiminiń orynbasary E.Qońyrbaevtyń málimdeýinshe, salqyndatý júıesinde plastıkalyq bólshekter basym. Qalalyqtar ańǵarǵan qara tútin sol bólshekterdiń órtenýinen shyqqan.
«Qala turǵyndary men kásiporyn jumysshylaryna tóngen qaýip, sondaı-aq qorshaǵan ortaǵa yqpal etetin jaǵymsyz faktorlar joq. Saǵat 12-00-ge qaraı órt sóndirildi, alaıda arnaıy tehnıkalyq talaptar boıynsha órtke qarsy jumystar jalǵasyp jatyr», - dep túsindirdi Óskemen qalasy ákiminiń orynbasary Erjan Qońyrbaev.
Qazirgi ýaqytta kólik qozǵalysy qalpyna keltirildi. Órttiń shyǵý sebebin anyqtaýǵa arnalǵan komıssııa quryldy. Jaǵdaı oblystyq ákimdik baqylaýyna alyndy.
Óz kezeginde «Óskemen JEO» JShS-iniń qoǵammen baılanys jónindegi menedjeri ıÝlııa Antonova órttiń sóndirilgendigin jetkizdi. Stansa shtattyq tártipte jumys jasap jatyr, tutynýshylardy elektr jáne jylý energııasymen jabdyqtaý jalǵasýda. Órttiń saldarynan zardap shekkender joq.
