Jergilikti bılik organdarynyń esirtkimen kúres qyzmetin baǵalaý júıesi engizildi
ASTANA. Qyrkúıektiń 15-i. QazAqparat /Arman Asqarov/ - QR Іshki ister mınıstrliginiń Esirtki bıznesine qarsy kúres komıteti jergilikti bılik organdarynyń esirtkige qarsy kúres qyzmetin baǵalaý ádisterin ázirlep bekitti, dep habarlaıdy QazAqparat.
Komıtet taratqan aqparatqa sáıkes, QR Densaýlyq saqtaý, QR Bilim jáne ǵylym, QR Baılanys jáne aqparat, sondaı-aq QR Týrızm jáne sport mınıstrlikterimen birlese otyryp, jergilikti bılik organdarynyń esirtkige qarsy kúres qyzmetin baǵalaý ádisterin bekitý týraly arnaıy buıryqqa qol qoıyldy. Osy qujat boıynsha balalar men jasóspirimderdiń salaýatty demalýyn uıymdastyrý, esirtkige táýeldi azamattardy emdeý men ońaltý jumysyn jaqsartý, esirtkige qarsy nasıhatty kúsheıtý, sondaı-aq osy is-sharalarǵa bólinetin qarjyny tıimdi paıdalaný - jergilikti bılik organdarynyń qyzmetin baǵalaýdyń negizgi talaptary bolmaq.
